miércoles, 14 de julio de 2010

Vacacións, viaxes, festa e por suposto... fútbol

Vaia mesiño de fútbol!! Para un amante e vicioso deste deporte coma son eu, foi todo unha gozada. Comprendo que a moita xente chegou a aburrirlle, pero penso que mereceu a pena cambiar a forma de pensar e ser un pouco máis optimista, agora xa volven os tempos de falar de política e iso xa me é menos agradable. En fin noraboa ós xogadores españois que demostraron ser un auténtico equipo de fútbol e de amigos. O único pero, foi que non tiveramos ningún galego na selección.

Pero o fútbol non se disputou só a nivel do mundial, a Escola de Fútbol do Condado, seguindo coa súa costume de facer viaxes a final de tempada, disputou un Torneo na vila de Alcochete, ó lado de Lisboa. En anteriores anos xa se desprazaran a Barcelona, Donosti, Santiago e Palencia. Nesta edición participaron dous equipos de rapaces entre os 12 e 15 anos, e tiven a sorte de acudir co como colaborador, axudante, conductor... e o que fixera falta. Nin que dicir cabe, que todo o que sexa ter vacacións e facer algunha viaxe é marabilloso, pero facelo ademáis con este grupo de "trastes" é toda unha experiencia, da que só podo falar en positivo. Falan do excelente compañerismo que existía na selección, e este grupo non se lle quedou atrás, pasamos moi bos momentos, as veces con algunha bronquiña, pero sempre che queda o recordo da bendita inocencia que teñen case todos.

Foron 6 días que pasaron voados entre visitas polas mañáns, partidos pola tarde e as farras na residencia pola noite, donde estes "enanos" non caian durmidos ata as 3 ou 4 da mañán, claro que o día seguinte durmían dabondo nas furgonetas mentras nós tiñamos que conducir, pedazo de "cabritos" que eran!! Xa no primeiro día, gozamos vendo a victoria de España contra Portugal mentras ceabamos no restaurante. Menuda paciencia tiveron os portugueses cos 27 rapaces e 5 adultos que alí berramos, menos mal que recoñeceron a derrota.

Distintas fotos da viaxe:

O grupo diante da Torre de Belén en Lisboa (falta un servidor, que tamén tiña que facer de fotógrafo) e en Óbidos, un pobo cunha fermosa muralla ó redor pola que paseou esta marea "amarilla":


Pedazo de corpos dos nosos monitores na praia fluvial de Alcochete coa ponte Vasco de Gama ó fondo:


Pontes Vasco de Gama e 25 de Abril, a primeira interminable e a segunda moi fermosa pero menudo atasco que nos topamos nela. Ó fondo o Cristo Rei:


Carli, Aleix, Pepe e Jorge nunha foto da futura portada do primeiro disco deste grupo de música que aquí quedou comprometido de facerse nun futuro. A ver se é verdade, polo de pronto portada xa teñen:


Así aparecían polas mañás as literas, convertidas en "bunkers" con seis ou sete rapaces a durmir uns por riba doutros:


Tamén tivemos tempo dir o Zoo, bastante ben coidado donde destacaría sobre todo o espectáculo dos delfíns e leóns marinos. Mención aparte Julio, este moniño que levabamos con nós, que se o ven así facendo monadas acabaría por quedar alí...

E como non!! Non faltou algún momento de relax para tomar unha Sagres, que apetecía con tanto calor. Deportistas si, pero a cerveciña que non falte...


Non podo cerrar este post sen comentar que gañamos as dúas categorías nas que competimos. Os pequenos viñeron arrasando en tódolos partidos, mentras que o dos máis grandes foi toda unha hazaña, unha victoria épica na final. Tras parar o noso porteiro un penalti no último minuto da prorroga, tivemos que ir a tanda de penaltis na que nos impuxemos despóis de lanzar 8 cada equipo. Un momento moi emocionante.

Para remate da tempada, este sábado celebrouse no campo de fútbol de Angoares a cea a base de paella e churrasco, para rematar cun Karaoke, donde se pode dicir que foi unha auténtica festa. Non tiñamos a Reina pero Isaac ós seus 8 ou 9 anos demostrou que pode ser un moi spiker (de aquí non teño fotos).

Tería moitas máis fotos e momentos que contar, pero penso que xa chega, aínda que despóis de tanto tempo sen pasarme por aquí, xa tiña "mono" de escribir. Intentarei que non decaia.

E sobre todo noraboa a Escola de Fútbol do Condado

Por certo, e así con letra pequena, estes non cobraron nada por gañar o campionato, máis ben tiveron que pagar por ir de viaxe. Non pretendía que cobraran, é para recordar que 600.000 € paréceme unha cifra esaxerada e escandalosa.

12 comentarios:

Unknown dijo...

Fuiste a minha terra, alegrome que gustarache. O Zoológico e moi bonito e mellor cos de España. Fai tempo que non vou por Lisboa, entraronme as saudades jeje

Bicos

BRABIDO dijo...

A cervexa que non falte,o importante e pasalo ben e se gañamos mellor.

O diñeiro que cobraran os da selecion.non me parece nada adecuado os tempos que estamos vivindo,mais ainda sabendo que xa non teñen uns sueldiños pequenos nos seus equipos.

BK dijo...

Lisboa e Óbidos son lugares moi fermosos, aínda que todo Portugal o é. Tranquilo, que ahora empezan os torneos do verán e en nada a liga e todo iso, jejeje

paideleo dijo...

Gústame o fútbol cando é deporte sen máis e non rodeado de declaracións, presidentes, adestramentos, presentacións e demáis zarandainas que poñen na tele.
Alégrome de que os rapaces o pasasen ben e gañasen.

Thiago dijo...

jaj que bien lo pasasteis, no? y además ganando eso ya es la polla, ajaj pobres portugueses, perdieron en todo, no?

como ha vivido tu chaval el Mundial? estaría emocionado, no? Tb. forma parte del grupo musical? Chico va a ser tan "multiusos" como tú, jaja


Bezos

Paz Zeltia dijo...

VAia home, deixaches "a guinda desagradable" para o último, e así queda un regustillo acre.
Porque o que contas dos cativos e toda esa ilusión, compañeirismo e entusiasmo paréceme das mellores cousas da vida. E se por riba gañan...!

:)

E alédame que tí foras tan valente como para levar toda esa responsabilidade e ademais pasalo ben!
Haberá que darche a noraboa!
Xa sabes que aquí veño sempre, ler as túas crónicas.

abueloscrisytoño dijo...

Máis fútbol? Este ano xa podemos darnos por ben servidos, felicidades a todos e a seguir preparando campións
Saúdos.
Avoa Cris

matrioska_verde dijo...

Vaia post mais chulo que te quedou, claro que tiñas que escribir mais, có bén que o fas.

Noraboa por esas victorias e noraboa pola victoria da nosa selección.

Eu non son nada futboleira, pero vín os partidos de España-Alemania e España-Holanda, e chorei vendo chorar a Iker. Foi moi emocioante.

Os rapaces poden ser duros de aturar pero de seguro que habería momentos en que vos facían rir a cachón.

Vese que o pasáchedes ben e que foi unha viaxe moi completiña: zoo, praia, e visita pola cidade.

Alégrame que o pasarades ben.

biquiños,

Raposo dijo...

Parabéns a eses rapaces que deixaron tan alto o pavillón local, e sen cartos de por medio como ten que ser.
O dos 600.000 € é ofensivo e vergoñento nos tempos que corren; alguén tería que poñer coto a esto.
O que xa non teño claro é se ti fuches polo deporte ou polas cervexas, he, he!!!!

fgul dijo...

fuffff... Mira que levamos unha tempadiña de fútbol que,, para que contarche... (e fala alguén que gosta do deporte en cuestión, mais nen tanto...)

Thiago dijo...

jaj no,cari, tienes razón... desde luego tú eres auténtico, de eso no tengo ninguna duda a pesar de mi post..

Feliz vacaciones a ti y a tu familia y al Beni, si sabes algo de él.


Bezos.

VINAGRETE dijo...

HOLA CARLOS SON O VINAGRE PEQUENO AQUI NOUTRAS TERRAS DECIRVOS QUE ESTADES FACENDO UN TRABALLO FANTASTICO CON ESTE BLOG OU ESTA PAXINA E TAMEN DECIRVOS QUE ESE VINAGRE GRANDE E PARVO DARLLE NAS OURELLAS PRA ESPAVILALO. CHAO ESPERO VOSA CONTESTACION