Meme do traste galego

Os memes son unha forma de darse a coñecer entre blogs. Normalmente xa non se lles soe facer moito caso e somos reacios a facelos, pero neste caso cumprénse varios motivos que me animan:

O primeiro, é que quen mo envía é unha nova amiga blogueira, Zeltia, e iso sempre é de agradecer, un novo blog o cal visitar.

E o segundo e máis importante, é que tratase duns sorteos de productos da nosa terra. Cada blog que fai o meme sortea algo especial ou recoñecido da súa zona, os que queiran participar so teñen que poñer un comentario no post e agardar ó día 28 para ver si hai sorte. Por último escoller a tres blogueiros para que fagan o mesmo, se queren.

A iniciativa deste meme xurdíu do bló de L&M, e se picades nel podedes ver todolos productos que se sortean o día 28, cos seus respectivos enlaces ós sorteos.

No meu caso resultoume difícil a elección, Ponteareas é unha zona de músicos e compositores, coñecida pola súas alfombras de flores, por aquel ciclista campeón da Volta, Alvaro Pino (si, o da vespino como decía Antón Reixa) e tamén mundialmente coñecida polo equipo de fútbol sala o Areas F.S ó cal eu pertenzo. Pero claro, iso todo non se pode sortear, bueno nin todo nin parte.

Entón busquei na gastronomía da zona. Aquí fanse dúas festas, a do bacalao e a do polo a brasa, pero ningunha das dúas son típicas senón máis ben de recente creación. Ó final lémbreime das rosquillas, producto moi famoso antigamente e que se relaciona con Ponteareas, as rosquilleiras ían a vendelas por feiras e festas dos pobos colíndantes. De feito existen varias confiterías na vila, unha fundada en 1875, que foi onde merquei estes paquetes.

Voulle engadir unha botelliña de licor café caseiro, para acompañalas no postre con uns chupitos. Dicir que as rosquillas tamén están moi ricas molladas en viño tinto, cada un é libre de tomalas como queira.

Agora ven o paso de seleccionar tres blogueiros, este é o peor paso, case todos os que coñezo están seleccionados, a ver se queda alguén libre, alá vou:

-Suso lista, xa o escoiten dicindo que se estaba zafando, agora non ten excusa, e uns percebiños non caían nada mal.

- Mer, non o dixo, pero tamén se está zafando.

-Manuel L. Rodrigues, sempre haberá algo que sortear das terras de Noia.

Bueno, sodes libres de querer facelo ou non, pero anímovos a todos a participar no sorteo, que uns dulces nestes momentos non veñen nada mal. Sorte.