O bingo do Cultural Areas

O C.D.Cultural Areas, aparte de militar na Rexional Preferente e estar na parte alta da clasificación (como xa teño dito nalgunha ocasión) e tamén un clube con unha situación económica moi saneada.

Nos seus 41 anos de historia nunca deixou de existir, se ben case sempre xogando en categorías comarcáis, daquela mantiñase sobre todo dos socios que tiña (eran tempos que asistía moita xente da parroquia o fútbol) e de un par de empresas que colaboraban. Hoxe en día, os tempos cambiaron moito, os orzamentos multiplicáronse varias veces, de ahí que houbo que buscar novas formas de buscar os cartos. A opción dos socios hai que engadir a da publicidade, agora xa non son un par de empresas, polo menos no campo da Lomba deben de ter colocadas unhas duascentas chapas publicitarias, que xa xeneran pasta, máis debido a que non se escapa ningunha sen pagar (quen é a directiva para iso).

Outra forma de ingresos que teñen é a celebración do bingo. Este bingo vense a celebrar dende hai uns doce ou trece anos. Cando eu formei parte da directiva xa o facíamos, o sistema é o mesmo que un bingo normal, coa diferencia que se sortean productos alimenticios, tales como aceite, azucar, bacalao... e a veces ata unha toura. Ten cambiado de ubicación varias veces, sempre se busca unha nave que esté desaloxada para tentar pagar pouco alquiler. O mesmo tempo para a xente da parroquia é un pasatempo máis, xa que algunha non ten outra diversión, ou non acostuma a saír moito, sobre todo a máis maior. Que conste que é totalmente sen ánimo de lucro, de feito en Areas agora celébranse dous, un o sábado para o fútbol e outro o domingo para a comisión de festas do verán. O mesmo fan nalgunhas aldeas de ó redor.

Pois ben, esta fonte de ingresos deixou de selo, e con iso vese perigar a economía do clube. Fai unhas dúas semanas a Policía Autonómica intervíuno, si, así como soa. Primeiro entraron dous axentes de paísano disposto a xogar e tomar nota, así que un afortunado cantou bingo, dirixíronse a mesa e identificáronse. Coa mesma o local foi tomado por varios axentes, clausurando o xogo e sen deixar marchar a nadie ata tomar declaracións. Sacaron de ordenadores e impresoras (viñan preparados) e alí mesmo redáctaron o informe, incautaron toda a mercancía que tiñan para o sorteo e precintaron a nave. Algunha xentiña aínda dubo pasar un mal rato. Aparte disto multaron ó Cultural Areas con 18.000 Euros, case nada para un equipo de aldea.

Agora hai unha plataforma de varios bingos da provincia de Pontevedra a recoller firmas para que cambién a lei.

O que está claro que se é ilegal, pois igual actúaron ben, pero por qué non o fixeron noutros anos? Por qué non se meten noutro tipo de fraudes máis grandes que si que enriquecen a xente e estan na boca de todos? Non interesa, vale máis meterse con estes pequenos que o único que fan e traballar para sacar algo adiante.

Xa teño oído (non sei se será verdade) que ata é ilegal vender rifas para un sorteo ou rosquillas a saída de misa, como fan os rapaces para excursións.

A este paso os blogueiros que fixemos o meme do trasteo galego, teremos que ter conta que non nos incauten os nosos productos, ide con xeito.